Nga Dritan Hila, botues i Dritare.net

Si futbollist luftoi, vrapoi, u zemërua, harxhoi gjithë energjinë deri në pikën e fundit të djersës. Gennaro Gattuso ishte thjesht një luftëtar i paepur në një ekip plot talent.

Si trajner bëri shumë duke filluar nga gaveta, duke pranuar stolat e klubeve në vështirësi, kampionate pak të njohura për të, situata të pasigurta, por duke ruajtur gjithmonë një dinjitet dhe ndershmëri intelektuale të pakrahasueshme.

Në OFI Kreta dha dorëheqjen, por i paguan nga xhepi rrogat lojtarëve që nuk i kishin marrë prej muajsh.

Ne Pisa ndihmoi kompaninë të paguante bashkëpunëtorët dhe stafin.

Në Milano, në fund të mandatit, ai hoqi dorë nga pagesa e parashikuar për vitin e prishjes para kohe të kontratës nga klubi, por duke kërkuar që të paguhen bashkëpunëtorët e tij.

Në Napoli, një tjetër nga gjestet e tij të mrekullueshme: gjatë muajve të parë të karantines, ai hoqi dorë nga paga e tij, për të mbuluar 20% të pagave te punonjësve të Napolit që u pushuan nga kompania.

Këtë vit në Valencia, me rastin e Krishtlindjeve, ai pagoi dhjetëra mijëra euro për t’u bërë dhurata të gjithë punonjësve të kompanisë. “Jeta më ka dhënë shumë, ndaj më pëlqen të bëj dhurata, nuk më pëlqen t’i marr”.

Bukuria e futbollit qëndron edhe tek prezenca nga burra të pasionuar dhe të vërtetë si ai.

Gennaro Gattuso është një shembull.

Gennaro Gattuso është nga ata qe ne Italine e jugut quhet një burrë i vërtetë.

***

Marrë nga postimi në Facebook i gazetarit Dritan Hila