Në gëzimin e plotë për Superkupën e Italisë, çështja e rinovimeve është gjithashtu aktuale për Interin, veçanërisht për Milan Shkriniarin.

Të mërkurën mbrëma ishte kapiten, por e ardhmja e tij duket gjithmonë e më larg Milanos. Ndjenja është se me kalimin e kohës, ka gjithnjë e më shumë një atmosferë ndarjeje mes palëve, sesa vazhdimi i marrëdhënies me kënaqësi reciproke.

Të paktën kjo është ajo që raporton “Tuttosport”. Sllovaku ka marrë një ofertë të rëndësishme nga Interi nga 6.5 milionë euro (përfshirë bonuset), por ende më e ulët se oferta nga PSG-ja, që menaxheri i tij do të kishte në dorë. Gjatë ditës së sotme pritet përgjigjja e Shkriniarit, por më shumë mundësi do jetë negative.