Abissnet Superiore, Skënderbeu dhe Vllaznia e nisin me fitore

Në Rrogozhinë nisi sezoni i ri i kampionatit shqiptar, me Skënderbeun që mundi Egnatian me rezultatin minimal 0-1


Në Rrogozhinë nisi sezoni i ri i kampionatit shqiptar, me Skënderbeun që mundi Egnatian me rezultatin minimal 0-1. Një gol i shënuan në pjesën e dytë nga Yuri i mjaftoi korçarëve që të marrin maksimumin në ndeshjen e parë pas rikthimit në elitën e futbollit shqiptar.

Në fundin e pjesës së parë, Janku dhe Zejnullai rrezikuan dy herë në pak minuta por nuk pati rezultat. Në fillimin e fraksionit të dytë Fernando goditi shtyllën, duke mos arritur të shënonte.

Goli i parë i këtij edicioni u realizua nga një brazilian, me Yuri Merlim i cili i aktivizuar nga stoli arriti ta dërgonte topin në rrjetë, pak pa u mbushur një orë lojë. Në vijim Egnatia tentoi në disa raste, por nuk ia doli që të shënonte, ndonëse në minutën e fundit të ndeshjes goditi shtyllën me anë të Iskandarlit.

Në fund, 3 pikë për Skënderbeun që e nis me këmbën e mbarë këtë sezon të ri futbollist, ndërsa Egnatia e konsideruar pretendente merr një goditje që në start.

Vllaznia e nisi me këmbën e mbarë sezonin e ri të kampionatit shqiptar. Në “Loro Boriçi” shkodranët triumfuan me rezultatin 3-1 ndaj Kukësit, duke marrë 3 pikët e para këtë edicion.

Serinë e golave e hapi Stojanovic që kaloi në avantazh Vllazninë pas 17 minutave lojë. Epërsia zgjati vetëm 7 minuta pasi La Torre barazoi shifrat. 5 minuta më vonë Vllaznia fiton një penallti, të cilin Bekim Balaj e shndërron në gol, duke kaluar sërish në avantazh vendasit.

Me këto shifra u mbyll pjesa e parë e takimit. Menjëherë sapo nisë fraksioni i dytë i ndeshjes, Laurit Boshnjaku shënoi golin e 3-të për Vllazninë, duke vrarë praktikisht ndeshjen me avantazhin e dyfishtë.

Pavarësisht reagimit të skuadrës verilindore, nuk pati më ndryshime të rezultatit me Vllazninë që merr 3 pikë dhe kap Skënderbeun në krye të klasifikimit.

UEFA mbledh në Shqipëri drejtuesit e Federatave të Futbollit të Europës Juglindore

UEFA do të organizojë në Tiranë një mbledhje të nivelit të lartë me pjesëmarrjen e drejtuesve të 11 federatave të…

KAMPIONATET

Partizani-Tirana në statistika, derbi premton spektakël në “Air Albania”

Të premten në orën 19:00 në stadiumin “Air Albania”, do të luhet një nga sfidat më të zjarrta të kampionatit…

KOMBËTARET

Humbja me Suedinë, Silvinjo: Provuam skemë të re!

Për trajnerin Silvinjo, Kombëtarja bëri një paraqitje shumë të mirë në miqësoren me Suedinë,

TIFOZËT SHQIPTARË

Super tifozi i “Kuq”, Erion Braçe: Bravo Laçi! Skuuuadëëër!

Zëvendëskryeministri i Shqipërisë, Erion Braçe, uroi Laçin pas kualifikimit historik për në turin e tretë të Conference League.

MERKATO

Dajan Shehi, te Botosoni në Rumani

26-vjeçari do të firmosë një kontratë 2-vjeçare me klubin rumun

TIFOZËT E HUAJ

UEFA mbledh në Shqipëri drejtuesit e Federatave të Futbollit të Europës Juglindore

UEFA do të organizojë në Tiranë një mbledhje të nivelit të lartë me pjesëmarrjen e drejtuesve të 11 federatave të…