Prag Italia/ Tri dilemat e mëdha të Silvinjos në mbrojtje!

Nga porta në repartin difensiv, trajneri brazilian ka ende disa dyshime për zgjedhjet.


Përpos përgatitjeve në fazën një javore të zhvilluar në Austri, Kombëtarja shqiptare i kaloi me sukses dy takimet miqësore të luajtura më datën 3 dhe 7 qershor.

Por, ajo që ka shumë rëndësi, është formacioni që do të zgjedhë Silvinjo për ndeshjen me Italinë. Siç thotë edhe shprehja, ‘fillimi i mbarë është gjysma e punës’ dhe një rezultat befasues për Shqipërinë, do të thotë shumë sa i përket një arritjeje që nuk ka ndodhur ndonjëherë në historinë e përfaqësueses. Siç u shpreh edhe pas ndeshjes me Azerbajxhanin, trajneri ka ende dilema për titullarët dhe pavarësisht se provoi shumë lojtarë në këto dy ndeshje, sërish është gjithçka e hapur sa i përket 11 “luftëtarëve” që do të zbresin në fushë përballë kampionëve në fuqi të Europës.

TRI DILEMAT

Në miqësoren e parë luajti Etrit Berisha ndërsa në të dytën Thomas Strakosha. Mund të themi se porta mbetet ende një dilemë për Silvinjon, i cili së bashku me trajnerin e portierëve Ilir Bozhiqi do të vendosin nëse do t’i besojnë eksperiencës së Berishës apo formës së mirë të Strakoshës, të cilën e tregoi disi edhe në ndeshjen e fundit mund të themi. Teksa në mesfushë dhe sulm gjithçka mendohet të jetë e zgjidhur, atëherë në mbrojtje ka akoma dilema që qarkullojnë në kokën e Silvinjos.

Krahu i djathtë do të luhet mes Hysajt dhe Balliut. Në miqësoren me Lihtenshtejnin trajneri aktivizoi Balliun, kurse ndaj Azerbajxhanit Hysajn, me shkodranin që nuk u duk në formën e tij më të mirë. Pikërisht për këtë arsye duket se trajneri brazilian po mendon se cili prej dy mbrojtësve të djathtë mund t’i shërbejë më shumë skuadrës në Gjermani, edhe pse për ndeshjen e parë Hysaj duket pak më i avantazhuar. Ndërsa Gjimshiti dhe Mitaj janë të padiskutueshëm, duket se një “garë” mes Arlind Ajetit dhe Ardian Ismajlit. I pari nuk është se duket në 100 % të formës pasi kaloi një dëmtim dy muaj më parë, ndërsa Ismajli luajti në 4 ndeshjet e fundit në Serinë A, edhe pse po ashtu vjen nga një dëmtim.

Do të jenë stërvitjet e këtyre ditëve vendimtare për dy mbrojtësit sepse vetëm njërin prej tyre Silvinjo do të zgjedhë nga minuta e parë. Ndërkohë pak më përpara, Shqipëria do të rreshtojë ndaj Italisë, tre mesfushorë që luajnë në Serinë A: Kristjan Asllani, Ylber Ramadani dhe Nedim Bajrami. Gjithashtu duket se edhe në sulm zgjedhjet janë bërë. Jasir Asani është preferuar nga Silvinjo në krahun e djathtë, ndërsa mendohet se krahu tjetër do të mbulohet nga Taulant Seferi. Në majën e sulmit, siç u aktivizua edhe në dy ndeshjet miqësore titullar, Armando Broja pritet të udhëheqë Kombëtaren shqiptare në Europian.

(Marrë nga Panorama Sport)

Lexo më shumë

Champions League, Egnatia humbet me Borac Banja Luka

Kampionia e Shqipërisë, e cila luajti nga minuta e 28-të me një lojtar më pak, pësoi gol në minutën e…

KAMPIONATET

Partizani-Tirana në statistika, derbi premton spektakël në “Air Albania”

Të premten në orën 19:00 në stadiumin “Air Albania”, do të luhet një nga sfidat më të zjarrta të kampionatit…

KOMBËTARET

Silvinjo dhe Gjimshiti: Asgjë nuk është e pamundur ndaj Spanjës

Kombëtarja shqiptare do të luajë mbrëmjen e së hënës ndaj Spanjës sfidën e tretë dhe të fundit të grupit B

TIFOZËT SHQIPTARË

Super tifozi i “Kuq”, Erion Braçe: Bravo Laçi! Skuuuadëëër!

Zëvendëskryeministri i Shqipërisë, Erion Braçe, uroi Laçin pas kualifikimit historik për në turin e tretë të Conference League.

MERKATO

Dajan Shehi, te Botosoni në Rumani

26-vjeçari do të firmosë një kontratë 2-vjeçare me klubin rumun

TIFOZËT E HUAJ

Duka: Tani duam të kualifikohemi në Botëror

Rrugëtimi i Kombëtares kuqezi në finalet e Kampionatit Europian “Gjermani 2024” është ende një nga temat më të diskutuara në…