TJo vetëm eleminimi nga kampionati Europian te Franca kanë shpërthyer edhe debatet e brendshme. Madje drejtuesit e Federatës Franceze të futbollit po mendojnë edhe largimin e Didier Deschamps nga stoli i skuadrës dhe vendin e tij ta marrë Zinedine Zidane.

Ky i fundit po përflitet gjithnjë e më shumë si pasues i trajnerit aktual të kampionve në fuqi të botës.

Eliminimi ndaj Zvicrës ka sjellë edhe përplasje të forta mes lojtarëve të skuadrës, diçka që ka prishur edhe më shumë atmosferën rreth ekipit. Por fillimisht ka nisur debati mes familjarve.

E ëma e Rabiot i është drejtuar familjarëve të Pogba dhe Mbappe duke i kritikuar ashpër dyshen Pogba-Mbappe. Për këtë të fundit është acaruar sepse sipas saj sulmuesi i PSG po humbet shumë raste shënimi. Më herët debatet e brendshme kanë nisur edhe përpara startit të Europianit, kur Giroud ka debatuar me Mbappe.

Ky i fundit sipas sulmuesit të Chelsea-t nuk i shërbeu asnjë top gjatë sfidës. Konflikte dhe eliminime, Franca po përjeton një moment të dytë tensioni, njësoj si shumë vite më parë kur skuadrën e drejtonte Raymond Domenech.