Nga Aranit Muraçi, Agon News

Anglia sfidon në futboll BE-në, pas Brexit?. Pas një finale Champions-i, e tëra angleze, Anglia merr edhe Europianin. Ajo luan sot me Ukrainën në Romë dhe nëse kalon në gjysmëfinale pret më 7 korrik në mitikun “Wembley” të Londrës fituesin e çiftit Çeki-Danimarkë. Faktori fushë i bën edhe më favoritë për të arritur finalen e madhe.

Në finale sipas projeksioneve të fundit Anglia do të përballet me Italinë, sërish në “Wembley” ku sërish faktori fushë do ta ndihmojë që më 11 korrik të ngrejë këtë trofe. Anglia është e vetmja skuadër e madhe që nuk ka mundur dot ta fitojë asnjëherë Europianin.

“Marrëveshja” në rang politik është arritur para se të fillonte Europiani. Madje me preçizion është zgjedhur “Wembley” nga UEFA për të gjitha ndeshjet vendimtare të Anglisë, ashtu siç edhe i qëlloi të luante me Gjermaninë.

Franca, “dhelpra” e politikës europiane e kuptoi hilen dhe iku shpejt nga ky turne për të bërë llogari të tjera, me Botërorin e Katarit. Holanda i merr vesh prej Francës e para, dhe iku madje para saj, për të mos shpenzuar kohë.

Shembull politik ?! Edhe në çeljen e negociatave të BE-së me Shqipërinë, Holanda dilte e para kundër, pastaj Franca. Kur Holanda më në fund pranoi, edhe Franca tha se ishte dakort që Shqipëria të pranohej. Nuk është se kishte ndryshuar ndonjë gjë në Shqipëri, veç qëndrimeve politike.