Nga Adriatik Balla

Rikthimi i Dinamos në elitën e futbollit shqiptar shënon një pikë kthese cilësore jo vetëm për klubin dinamovit, por rikthen njëherësh traditën e rivalitetit mes skuadrave të kryeqytetit. Për gati një dekadë Dinamo lundronte në kategoritë inferiore dhe I kishte mbetur vetëm emri, por rigjallërimi dhe rikthimi në elitë nuk është thjesht për të kaluar radhën, por klubi vjen me objektiva madhorë, sepse synon trofe. E thënë ndryshe, në kryeqytet nuk do të ketë tani e tutje vetëm një dyshe rivalizuese, por gara do të jetë treshe, sepse Tiranën e Partizanin do t’i rivalizojë Dinamo. “Nëndetësja” ka nisur të bëjë një merkato aktive, duke afruar lojtarë cilësorë dhe me pretendime për të rritur më shumë cilësinë në dy muajt në vijim. Vështirësitë që ka hasur janë të njëjta me ato të klubeve të tjera, pasi në qarkullim nuk ka shumë elementë cilësorë, por dinamovitët po I zgjedhin me kujdes blerjet e tyre. Ka afrime nga brenda kampionatit por edhe me lojtarë të huaj dhe Dinamo ka eksperiencë në këtë drejtim, pasi është klub që I ka provuar të gjitha vështirësitë.

Shkëmbi, trajner me mentalitet fitues

Lëvizja e parë që bëri Dinamo në krye të skuadrës ioshte afrimi I Bledi Shkëmbit si “timonier” I grupit. Shkëmbi ka qenë ndër lojtarët e spikatur të kampionatit, ka luajtur në Europë dhe ka krijuar një përvojë të cmuar me drejtimin e disa skuadrave në Kosovë. Tani ai kthehet me pretendime në Superiore duke drejtuar “nëndetësen” blu. Shkëmbi është shfaqur shumë serioz dhe me objektiva të rritura, ndërkohë që klubi po punon për t’ia përmbushur kërkesat. Vetë trajneri9 I ka piketuar blerjet e dëshiruara dhe po punon për kompletimin e skuadrës. Në kampin blu duken të gjithë të kënaqur dhe entuziastë për rikthimin e Dinamos në majën e futbollit shqiptar, sepse vetë klubi dinamovit përfaqëson shkollën e futbollit në vendin tonë.

Kërçiku, një lëvizje për të konfirmuar traditën

Dinamo vazhdon me zyrtarizimet për sezonin e ri të Kategorisë Superiore. Dorian Kërçiku është firma e radhës për 18-herë kampionët Shqipërisë, me mbrojtësin anësor që pas eksperiencave me Tiranën dhe Partizanin, tashmë do të mbajë veshur edhe fanellën blu në Kategorinë Superiore. “Dorjan Kërçiku është afrimi i radhës. 27-vjeçari ka firmosur sot kontratën e re me Futboll Klub Dinamo. Mbrojtësi i djathtë, pas disa eksperiencave me skuadra të ndryshme në Superiore, është bërë zyrtarisht pjesë e bluve”, njoftojnë 18-herë kampionët e vendit. Dinamo ka zyrtarizuar edhe rinovimin e kontratës me portierin Edvan Bakaj, i cili ka zgjatur bashkëpunimin me skuadrën që tashmë do të drejtohet nga Bledi Shkëmbi./Gazeta Sot/