Champions League rikthehet ditën e nesërme me turin e parë kualifikues.

UEFA ka vendosur t’u besojë gjyqtarëve të Kategorisë Superiore takimin mes Bodo/Glimt dhe Legias së Varshavës, në të cilën luan edhe Ernest Muçi.

Juxhin Xhaja do të jetë arbitri kryesor i kësaj ndeshjeje, që do të luhet më datë 7 korrik në orën 18:00. Asistentë të tij do të ketë Denis Rexhën dhe Dojando Myftarin. Olsid Ferataj do të jetë gjyqtari i katërt.

Por një tjetër katërshe shqiptare nga Kosova do të vendosë drejtësinë në këtë tur të parë kualifikues në Champions League. Bëhet fjalë për Genc Nuzën, Fatlum Berishën, Bujar Selimajn dhe Dardan Çakën, që do të arbitrojnë në duelim mes Dinamos së Zagrebit dhe Valurit./Halit Delibashi-Sport Ekspres/