Roma po pëson një transformim total pas ardhjes së trajnerit Jose Mourinho.

Pas ardhjes së portierit portugez Rui Patricio, së fundmi, për sulmin e verdhekuqve ka dalë në pah Andrea Belotti.

Italiani nuk është një emër i panjohur për Romën pasi kanë kërkuar dhe më parë shërbimet e tij, por kërkesat e larta të Torinos kanë detyruar drejtuesit e verdhekuqve të tërhiqen.

Sipas ”Tuttosport”, mbrojtësi i Kombëtares, Marash Kumbulla, mund të përdoret për të bindur Torinon dhe Ivan Juric të lënë të lirë Belottin. Për Juric do të ishte një bashkim me Kumbullën pasi tekniku granata është mentori i mbrojtësit të Kombëtares, në kohën kur ky i fundit luante te Verona.

Kumbulla e njeh mirë Serie A dhe trajnerin, për Torinon do të ishte transferim i vlefshëm, ku do të përfitonte dhe një shumë të madhe parash përveç kartonit të qendërmbrojtësit kuqezi./ Konica.al/