Nga Geri Kusi,
Presidenti i “Fan Club Napoli Albania”

94 vjet më parë, më 25 gusht 1926, lindi Napoli. Një nga klubet më popullorë në Itali, por dhe në botë, falë legjendës Diego Armando Maradona.

Me dy tituj kampion të Serie A, gjashtë Kupa të Italisë, dy Superkupa të Italisë dhe një Kupë UEFA, Napoli ka tifozerinë e katërt më të madhe në vendin fqinjë.

Një vit më parë, më 9 korrik 2020, në Shqipëri u krijua “Fan Club Napoli Albania”, një tifogrup i dashamirësve të Napolit në Shqipëri, i cili po rritet vazhdimisht në numër. Ne vazhdojmë çdo ditë të shpërndajmë kartat te tifozët e Napolit në Shqipëri.

Qysh i vogël e kam ndjekur Napolin e Diego Maradonës, një shtysë e madhe e familjes, që si ultra-tifoz i Napolit, më shndërroi jo vetëm thjesht një tifoz, por ta shikoj skuadrën në çdo ndeshje zyrtare apo në çdo miqësore, me të njëjtin emocion.

Një “dashuri” napolitane. Një dashuri “blu”.

Kur mua më njoftuan, për të përfaqësuar skuadrën e Napolit në Shqipëri, më bëri të ndihem jo vetëm krenar dhe tifoz, por të lexoj dhe ta njoh historinë e Napolit deri në çdo detaj.

Si çdo “ultras”.

Yjet dhe legjendat e Napolit ishin pjesë e bisedave të mia: Cavani, Lavezzi, Insigne, Cannavaro, De Sanctis, por edhe emrat e tjerë të skuadrës.

Do të doja të ndaja edhe një histori të shkurtër familjare.

Familja ime ishte plotësisht dakord, që motra ime të kishte emrin e legjendës Diego Armando Maradona, dhe e quajtëm atë Dalma.

Një kënaqësi e madhe, për në të gjithë në familje. Jemi familja e Napolit. Familja që bën tifo për futbollistin më të mirë në botë.

Ashtu siç mban emrin edhe stadiumi ku luan Napoli: “Stadio Diego Armando Maradona”.