Nga Mendrit Shehu

Fotoja e fundit e Riza Lushtës, legjendës së futbollit shqiptar. Ai është një prej 11 themeluesve të Kombëtares Shqiptare në ndeshjen e parë po themeluese të saj më 12 mars 1936 nën drejtimin e trajnerit hungarez Samo Singer.

I pari futbollist shqiptar i përmasave europiane me një karrierë të shkëlqyer edhe në Itali. Qendërsulmues dhe golashënues i madh. Dy herë (1942, 1943) golashënuesi më i mirë i lojtarëve të huaj në kampionatin italian.

Me 85 ndeshje dhe 47 gola të shënuar ai është midis 23 shënuesve më të mëdhenj për të gjitha kohërat në historinë e Juventusit, gjithnjë deri më 2005.

Më vonë Lushta arrin të veshë edhe fanellën e kampiones së botës në fuqi, Italisë së Vittorio Pozzo-s. E megjithatë Lushta nuk ka luajtur me Kombëtaren e Italisë, pra as në ndeshjen e 1 dhjetorit 1940 me Hungarinë. Dhe po aq është e vërtetuar se ai ka luajtur ndeshjen përgatitore.

Ndërroi jetë më 6 shkurt 1997 në moshën 81 vjeçare, në shtëpinë e tij modeste në Via San Pio 6 në Torino, pranë shoqes së tij të jetës dhe sidomos me përkujdesjen e nipit të saj, intelektualit Claudio Casinelli, ai u varros në Torino.