Interi është skuadra që ka përfituar më shumë në këtë merkato vere përsa i përket shitjes së lojtarëve. E duket se klubi zikaltër do të mbetet i tillë, edhe pse duhen edhe pak ditë deri në mbylljen e merkatos së verës.

Duke konsideruar bilancin shitje-blerje lojtarësh, Interi ka përfituar 166,05 milionë euro, ndërsa ka shpenzuar 31 milion euro për blerje lojtarësh. Kryesor në këtë shumë të mbledhur nga shitjet, ka qenë largimi i Lukakut drejt Chelsea apo edhe largimi i Hakimi.

Nëse edhe Lautaro do të largohet, atëherë Interi do të jetë me të vërtetë me fat, përsa i përket përfitimit të parave si dhe mbushjes së arkave të klubit. Por më pas duhet parë se me cilët lojtarë do t’i zëvendësojë këto yje të larguar nga skuadra kampione e Serisë A, nëse do të synojë sërish titullin edhe për sezonin e ardhshëm.

Një tjetër skuadër e serisë A që ka përfituar mjaft nga merkato e deritanishme është edhe Udineze, plot 55.5 milion euro, ndërsa ka shpenzuar vetëm 5,5 milion euro për blerje lojtarësh./RTSH Sport/