Vllaznia do të përballet nesër me Laçin në “Loro Boriçi” (16:00), ndeshje e vlefshme për javën e 17-të të Superiores.

Trajneri i Vllaznisë, Mirel Josa, i vlerëson maksimalisht kurbinasit.

“Nesër luajmë me Laçin, një skuadër që kohët e fundit është në rritje, pavarësisht humbjes me Tiranën apo në Kukës.

Një skuadër që kërkon të shkojë më lart dhe që ka në përbërje futbollistë të mirë, ne duhet ta vlerësojmë maksimalisht ndeshjen.

Balaj? Bekimit do të jetë pjesë e grumbullimit. Nuk e di nëse do të luajë. Do të shohim gjendjen e tij. Është një plus i madh për ne, duhet të presim ta fusim në momentin e duhur që të mos i bëjmë dëm as atij as ekipi”, tha Josa gjatë konferencës për shtyp.