Xhudistja kosovare, Distria Krasniqi ka fituar medaljen e artë në Grand Slamin që po mbahet në Paris të Francës.

Krasniqi fitoi medaljen artë në kategorinë deri në 52 kilogramë. Kampionia olimpike triumfoi në finale përballë hungarezes Reka Pupp.

Xhudistja kosovare e nisi raundin e parë pa ndeshje, ndërsa në raundin e dytë mposhti spanjollen Marina Castello Diez për të kaluar në çerekfinale.

Në çerekfinale, xhudistja u përball me mongolezen Sosorbaram Lkhagvasuren, të cilën e mposhti me ‘ippon’ (rezultati më i lartë në xhudo) për të kaluar në gjysmëfinale.

Xhudistja u tregua e fortë edhe në gjysmëfinale duke fituar me dy ‘waza-ari’ (rezultati i dytë më i rëndësishëm në xhudo) ndaj francezes Amandine Buchard dhe për të siguruar medaljen.

Postimi i Krasnqit

Në një periudhë të sfidave të njëpasnjëshme, është përsëri xhudo e cila na bën të shijojmë disa momente gëzimi. Distria Krasniqi ka fituar medaljen e artë në Grand Slamin e Parisit, pas një performance të paarritshme nga kundershtaret. Faleminderit Toni dhe Disi për emocionet e mira dhe lajmet pozitive, për të cilat kemi aq shumë nevojë. ?